كيفاش طلب كارط فيزا BMCE E-Pay
ماعليك غير تدي معاك لاكارط وتمشي لأقرب وكالة للبنك المغربي للتجارة الخارجية و طلب منهوم بطاقة BMCE E-Pay، غادي يسولك الموظف على بعض المعلومات باش يعمر ليك الإستمارة طلب ، ومن بعد غادي يطلب منك ترجع بعد أسبوع تقريبا باش تاخد البطاقة.
كيفاش تفعل البطاقة
من بعد متاخد للبطاقة متقدرش تخدم بها حتى تفعلها خاصك تصل بالرقم الهاتفي لي غادي تلقى فظهر ديال البطاقة وتبع التعليمات لي غايعطيك موظف مركز الإتصال التابع لبنك BMCE.
الرسوم السنوية
كيقطعو ليك 121 درهما هاذي هي الرسوم السنوية على البطاقة الدولية BMCE E-Pay.
الإقتطاعات إلى شريتي من الأنترنت
كيقطعو 2% (دون احتساب الرسوم) من القيمة ديال المعاملة مع حد أدنى من الإقتطاع يساوي 10 دراهم، يعني أنك مثلا إلا شريتي شيحاحة من الأنترنيت ساوية 1 دولار غادي إقطعو 10 دراهم من الرصيدك ديالك إضافة لقيمة المعاملة.
كيفاش كيخدم الباي بال مع BMCE E-Pay
فاش تبغي تشري أي حاجة بالباي بال غادي إتأكدو واش عند لفلوس فالحساب ديالك إلى كانو فيه لفلوس غادي إقطعو القيمة ديال المعاملة إلى مكان فيه والو غادي إقطعو ليك من رصيد دالبطاقة الإئثمانية BMC E-Pay.
كيفاش تصيفط لفلوس من Paypal لحسابك البنكي BMC E-Pay
إلى كانو عندك لفلوس فالباي بال وبغيتي تحولهوم لحساب البنكي ديالك غادي تكليكي على رابط Withdraw funds وتحدد المبلغ لي بغيتي تحول ومن بعد الباي بال غادي يصيفط لفلوس لحساب البنكي وغادي يقطعو ليك 5 دولار من المبلغ لي حولتيه مهما كانت القيمة ديالو.
على العموم كنشوف بأن بطاقة BMCE E-Pay مزيانة وقاضية لغراض ، لكن مبلغ 1000 دولار كحد أقصى قليل خاصة إلى كنتي بغيتي تستعمل البطاقة فأعمالك التجارية لأن المغرب في هذا الصدد مازال متأخر على باقي الدول فالعالم، ولكن كنتمناو تتحسن الأوضاع أكثر في المستقبل حتى يوليو المعاملات المالية عندنا أكثر سلاسة كنتمنى يكون الموضوع عجبك وشكرا 😍
إرسال تعليق