بعد ما فتحتي حساب باي بال و أكدتي البريد الالكتروني ، بقات ليك اهم خطوة ولي هي تفعيل الباي بال PayPal بالفيزاكارد VisaCard او الماستركارد MasterCard أول حاجة غادي دخل لحساب ديالك و كليكي على Link a Card
من بعد غتلقى هاد النموذج غاي تعمر فيه المعلومات ديال البطاقة البنكية ديالك وكليكي على Save
منين تسالي من تعمار المعلومات ودير حفظ لبطاقة مباشرة غادي يقطع ليك باي بال PayPal مبلغ 2 دولار لي هي 20 درهم من البطاقة البنكية  يعني خاص ضروري يكون عندك على الأقل 3 دولار فالبطاقة باش تقدر تأكد البطاقة ومن بعد 24 ساعة باي بال غادي إرجع ليك المبلع هادشي كيديروه غير باش إتأكدو من البطاقة بلي ديالك نتا ماشي ديال شي حد أخر
ودبا غادي تمشي تحل الحساب البنكي ديالك لي نتا مسجل فيه BMC BANK ولا CIH BANK  ، من بعد سير لرقم العملية المالية لي درتي مع باي بال ، غادي تلقى 4 أرقام ، سجلهوم عندك ورجع لوحة تحكم باي بال ، وكليكي عل كلمة محفظة لفوق وختار البطاقة لي ربطتيها مع باي بال ودخل دوك 4 ديال الأرقام وأكد البطاقة
و هاكدا أتكون فعلتي الباي بال ديالك 100% كيما كتشوف فالتصويرة لي لتحت
الموهيم إلى واجهتي اي مشكل وقلبتي فاليوتوب و جوجل وملقيتيش لحل خلي تعليق لتحت ، و إن شاء الله غادي نجاوبك فأقرب وقت وكنتمنى يكون الموضوع عجبك وشكرا 😍